Transcription
1
Monsieur, je vous remercie bien humblement de l’honneur et faveur
2
qu’il vous a pleu me fère par vostre letre du Xe du présent
3
par laquelle j’ay veu et cognu des affères du present, ce que
4
plus j’en désiroys et croy que cela est non seulement de
5
la chretienté, mès particulierement de notre France. J’ay aussi
6
entendu par celle que m’a escript mon beau-frère, novelles de
7
vostre bone santé, dont j’ay receu autant de contentement que
8
extreme déplaisir de la maladie de monsieur le président
9
Truchon, mesmes que monsieur de Serrin, mon beau-filz, m’avoyt
10
adverti qu’il estoyt guéry. Quant au faict de la justice,
11
j’ay estimé qu’estant notre compaignie si bien remplie, il n’y
12
adviendra aulcune faulte et soubz ceste opinion à se, avec
13
bon congé, me suys retiré en ce lieu tant pour le repos d’espérer
14
santé de ma personne, que conduite de mes petitz affères
15
assés mal ordonés pour m’en estre absenté environ troys années
16
sans y vaquer ung seul jour, bien résolu toutesfoys, si la
17
nécessité le commande et j’en ay rechargé (à ceiles venant)
18
de vostre part, obéir à vostre mandement comme feray
19
toute ma vie, à ce qu’il vous plaira commander et d’aussy
20
bon ceur que je veys prier le Créateur
21
Monsieur, vous doner en santé heureuse et longue vie . De
22
vostre hermitaige de Mélardron, ce XIIIe de julhet 1572.
23
Votre très humble et très obéissant serviteur
24
G. deportes
25
Les compagnies sont de grande charge à ce
26
païs et nous mettent en grande nécessité
27
de vivres